Сурет: Ақорда
Мемлекет басшысы Қасым-Жомарт Тоқаевтың Германияға ресми сапары Мюнхен қаласында жалғасады, деп хабарлайды Zhaiyqmedia.kz ақпарат агенттігі.
Бүгін Президент Бавария Үкіметі мен Ландтаг басшыларымен, сондай-ақ бизнес-құрылым өкілдерімен кездесулер өткізеді.
Сонымен қатар Қасым-Жомарт Тоқаев Қазақстан-Бавария технологиялық форумының ашылу рәсіміне қатысады.
Еске сала кетейік, кеше Мемлекет басшысы Германия Федеративтік Республикасына ресми сапармен барды. Сапар аясында Қасым-Жомарт Тоқаев Германия Федеративтік Республикасының президенті Франк-Вальтер Штайнмайермен кеңейтілген құрамда келіссөз жүргізді.
