Сурет: aqorda_resmi
Президент Қасым-Жомарт Тоқаев ТМД мемлекеттері басшыларымен бірге ұлттық тағамдар фестивалін тамашалады, деп хабарлайды Zhaiyqmedia.kz ақпарат агенттігі.
Түрікменстан павильонында қонақтарға жергілікті бақша және нан-тоқаш өнімдері, түрікмен кілемдері ұсынылды. Сондай-ақ әдеби-сазды «Оғыздар» қойылымы көрсетілді.
Қазақстанның ұлттық павильоны еліміздің тарихи-мәдени мұрасы мен заманауи жетістіктерін танытатын бірнеше тақырыптық алаңнан тұрды.
Мемлекет басшыларына ТМД-ға мүше елдердің ұлттық тағамдарын әзірлеу үдерісі таныстырылды.
Фестиваль барысында президенттер «Жүйріктің шабысы: күш пен сымбат» атты телевизиялық фильмдер байқауының жеңімпаздарын марапаттады.
