19-21 мамыр аралығында Астанада мәдениет саласының мамандары бас қосады. «Мәдениет және инновация» республикалық форумы Мәдениет және өнер қызметкерлері күніне орай ұйымдастырылып отыр, деп хабарлайды Zhaiyqmedia.kz ақпарат агенттігі.
Форум аясында өнер мен технологияны ұштастыратын жобалар таныстырылады. Қатысушылар мәдениетті цифрландыру, музей ісіндегі жаңа тәсілдер мен креативті индустрияны дамыту жолдарын талқылайды.
«Біз мәдениетті заманауи технологиялармен байланыстырып, жаңа деңгейге көтеруді көздеп отырмыз. Бұл форум – сала мамандарына тәжірибе алмасуға тамаша мүмкіндік», – деді ұйымдастырушылар.
Шараға еліміздің түкпір-түкпірінен мәдениет қайраткерлері, IT мамандары мен стартап өкілдері қатысады. Үш күн бойы семинарлар, шеберлік сабақтары мен көрмелер өткізіледі.
