Мазмұнға өту
Сурет: Жайық Пресс
Облыстық көркем гимнастика біріншілігінде Қазақстан чемпионаттарында облыс намысын қорғайтын спортшылар анықталды. Жарысқа 110 гимнастка қатысты.
Спортшылар жоғары техникалық дайындық, көркемдік пен жеңіске деген жігерін көрсетті. 15-20 қыркүйекте Ақтау қаласында өтетін I разрядты спортшылар арасындағы Қазақстан чемпионатына Гаухар Бисен, Ясмина Кенжигалиева, Алия Рыскали, Айсулу Жетибаева, Дарья Делекешева және Альмира Мурзагалиева жолдама алды.
Қазан айында Шымкентте спорт шеберлігіне кандидаттар арасында ел чемпионаты өтеді. Батыс Қазақстан облысының намысын Диана Жасталапкызы, Самира Сейдахмет және Хорлан Максот қорғайды.
Жас гимнасткалар үшін бұл спорттық жолдағы маңызды кезең. Енді олар республикалық деңгейде жоғары нәтижеге жету үшін дайындықты жалғастыруы керек. Олардың жетістіктерінің артында күнделікті жаттығулар, жаттықтырушылардың еңбегі мен ата-аналардың қолдауы тұр, деп хабарлайды Zhaiyqmedia.kz ақпарат агенттігі.
