Президент Қасым-Жомарт Тоқаев «Таза Қазақстан» жобасын елдің жаңа идеологиясының негізі деп атады. Оның айтуынша, бұл бастама қоғамның санасын түбегейлі өзгертуге ықпал етіп жатыр.
Мемлекет басшысы жобаның маңыздылығын ерекше атап, тазалық пен тәртіптің әрбір азаматтың бойына сіңуі керектігін жеткізді. «Біздің мақсатымыз – тазалықты әдетке айналдыру», – деді Тоқаев.
Бұл бастама тек көше тазалығымен шектелмейді. Ол экологиялық мәдениетті қалыптастырып, қоғамның бірлігін нығайтуға бағытталған. Президент жобаны жүзеге асыруға барлық азаматтарды белсенді қатысуға шақырды.
«Таза Қазақстан – бұл біздің ортақ үйіміздің келбеті. Әрқайсымыз осы жобаға үлес қосуымыз керек», – деді Қасым-Жомарт Тоқаев.
Енді «Таза Қазақстан» жобасы аясында еліміздің барлық өңірінде ауқымды шаралар өткізіледі. Батыс Қазақстан облысы да бұл бастамадан тыс қалмайды, деп хабарлайды Zhaiyqmedia.kz ақпарат агенттігі.
