Президент Қасым-Жомарт Тоқаев «Таза Қазақстан» акциясына белсене қатысып, нақты ісімен Отан алдындағы адалдығын дәлелдеген бір топ азаматты марапаттады, деп хабарлайды Zhaiyqmedia.kz ақпарат агенттігі.
Марапатталғандардың қатарында еріктілер, қоғам белсенділері мен экоактивистер бар. Олар ерекше үлгі көрсетіп, өзгелерді де тазалыққа шақырды.
«Біздің ортақ үйіміз – Қазақстан. Тазалық – әр азаматтың парызы. Осы бастамаға үн қосқандардың еңбегі зор», – деді Мемлекет басшысы.
Акция аясында бүкіл ел бойынша мыңдаған адам тазалық шараларына қатысып, қоқыстар жиналып, көгалдандыру жұмыстары жүргізілді. Марапаттау рәсімі Астанада өтті.
