Мемлекет басшысы Қасым-Жомарт Тоқаев Израиль Президенті Ицхак Герцогты Ақордада қабылдады. Кездесу барысында екіжақты ынтымақтастықтың келешегі талқыланды, деп хабарлайды Zhaiyqmedia.kz ақпарат агенттігі.
Израиль Президенті Қазақстанға сапармен келгеніне қуанышты екенін айтты. Ол 1993 жылы Астанаға ресми сапар жасаған әкесі Хаим Герцогтың ізін жалғағанын атап өтті.
«Әкемнің Қазақстанға сапары мен үшін үлкен мәнге ие. Оның жолын жалғап, Ақордада болуым – ерекше құрмет», – деді Ицхак Герцог кездесуде.
Тараптар сауда-экономикалық байланыстарды нығайтуға, инвестиция тартуға және мәдени-гуманитарлық саладағы ынтымақтастықты кеңейтуге уағдаласты. Келіссөздер шағын құрамда өтті.
