Астанада «Таза Қазақстан» акциясы аясында Президент Қасым-Жомарт Тоқаев экологиялық қауіпсіздікті ұлттық қауіпсіздікпен теңестірді. Екі жыл бұрын басталған бастама бүгінде жалпыұлттық сипат алды, деп хабарлайды Zhaiyqmedia.kz ақпарат агенттігі.
«Экологиялық қауіпсіздік – ұлттық қауіпсіздіктің маңызды құрамдас бөлігі. Біз табиғатты қорғауды бірінші кезекке қоюымыз керек», – деді Мемлекет басшысы.
Президент акцияға қатысушыларға алғыс айтып, тазалықты сақтау әр азаматтың парызы екенін атап өтті. Оның айтуынша, мұндай шаралар экологиялық мәдениетті қалыптастыруға ықпал етеді.
«Таза Қазақстан» акциясы еліміздің барлық өңірінде, соның ішінде Батыс Қазақстан облысында да белсенді өтуде. Оралда тұрғындар мен жастар бірлесіп, өзен жағалауларын және саябақтарды тазартуға кірісті.
