Салық реформасының қатаң талаптары B2B секторындағы кәсіпорындарды қатты қыспаққа алды. Вице-премьердің айтуынша, мыңдаған бизнес жабылуға мәжбүр болып отыр, деп хабарлайды Zhaiyqmedia.kz ақпарат агенттігі.
Жаңа салық ережелері әсіресе шағын және орта бизнеске ауыр тиді. Кәсіпкерлер есеп беру жүйесінің күрделенуі мен салық мөлшерлемелерінің өсуіне шағымдануда.
«B2B саласындағы компаниялардың көбі жаңа талаптарға төтеп бере алмай, жұмысын тоқтатуға мәжбүр. Бұл – экономикаға үлкен соққы», – деді вице-премьер.
Сарапшылардың пікірінше, реформаның теріс әсерін азайту үшін мемлекет жеңілдіктер енгізуі керек. Әйтпесе, жабылатын кәсіпорындар саны арта түспек.
