Қазақстан қалаларында қант бағасы қанша: ең арзан және ең қымбат өңірлер

Сурет: Коллаж: Kazinform/ЖИ

Қазақстанда сұранысқа ие әлеуметтік тауарлардың бірі – қант. Оның бағасы әр қалада әртүрлі, деп хабарлайды Zhaiyqmedia.kz ақпарат агенттігі. Ең арзан және ең қымбат қант арасындағы айырмашылық кейбір өңірлерде 50%-ға жетеді.

Қант бағасына логистика, жергілікті өндірушінің болуы және өңірлердегі қосымша үстемеақы әсер етеді. Ең арзан қант Талдықорғанда (380 тг/кг), Оралда (390 тг/кг) және Таразда (410 тг/кг) сатылады. Бұл өңірлерде зауыт бар және сақтандыру қорына тікелей жеткізіледі.

Ең қымбат қант Атырауда – келісі 600 теңгеден басталады. Шымкентте (560 тг/кг дейін), Алматы мен Ақтөбеде (555 тг/кг дейін) де баға жоғары. Астана мен Ақтауда келісі 450 теңге, ал Қарағанды (435–480 тг/кг) мен Павлодарда (460–500 тг/кг) осы шамалас.

Шақпақ қанттың бағасы құмшекерден орта есеппен 30-50% жоғары, келісі 700-850 теңге. Құрақ қант Азия мен Латын Америкасынан импортталады, Алматы мен Астанада оның бағасы 1500-2500 теңге аралығында.

Өңірлерде қант бағасы тасымалдау құны мен сауда желілерінің ұстанымына қарай өзгереді. Оңтүстікте зауыт болғандықтан баға төмен, ал батыс өңірлері импортқа тәуелді, сондықтан баға жоғары.