Ресей президенті Владимир Путиннің Қазақстанға сапары күтілуде. Бұл туралы Ақордада өткен кездесуде Ресей Сыртқы істер министрі Сергей Лавров мәлімдеді, деп хабарлайды Zhaiyqmedia.kz ақпарат агенттігі.
Президент Қасым-Жомарт Тоқаев Лавровты қабылдап, екіжақты ынтымақтастықты талқылады. Кездесу барысында Путиннің алдағы сапарының күн тәртібі де қаралды.
«Ресей президентінің Қазақстанға сапары – екі ел арасындағы стратегиялық серіктестіктің жаңа деңгейін көрсетеді», – деді Лавров.
Тараптар экономика, энергетика және мәдениет салаларындағы бірлескен жобаларды да пысықтады. Сапардың нақты күні әзірге белгісіз.
