Петропавлдағы Шоқан Уәлиханов көшесінде орналасқан 9 қабатты тұрғын үйдің балконында өрт шықты. Тілсіз жау 100-ден астам тұрғынды үйден кетуге мәжбүрледі, деп хабарлайды Zhaiyqmedia.kz ақпарат агенттігі.
Өрт сөндірушілер оқиға орнына жедел жетіп, тұрғындарды қауіпсіз аймаққа шығарды. Алдын ала мәлімет бойынша, ешкім зардап шеккен жоқ.
«Балконнан басталған өрт тез арада сөндірілді. Қазіргі уақытта себебі анықталып жатыр», – деді құтқарушылар.
Қала әкімдігі эвакуацияланған тұрғындарға уақытша баспана беруді ұйымдастырды. Өрттің алдын алу шаралары туралы ескерту жұмыстары жалғасуда.
