Мазмұнға өту
Сурет: Жайық Пресс
Орал қаласындағы 5517 әскери бөлімінде Ұлттық ұланның жас сарбаздарына жауынгерлік қару табыстау салтанатты рәсімі өтті. Бұл оқиға әрбір әскери қызметші үшін маңызды, себебі қару алу толыққанды қызмет өткеруге көшуді, командалық тараптан жоғары сенімді және елді қорғау үшін жауапкершілікті қабылдауды білдіреді, деп хабарлайды Zhaiyqmedia.kz ақпарат агенттігі.
Бөлім командирі құттықтау сөз сөйлеп, бұл күннің маңыздылығын атап өтті.
«Қару табыстау — бұл тек құрмет қана емес, сонымен бірге үлкен жауапкершілік. Бұл сіздердің еліміздің қорғаушылары ретінде қалыптасуларыңызға жасалған қадам», — деді әскери бөлім командирі.
Шара бөлім алаңында салтанатты жағдайда өтті. Ұлттық ұлан қатарына жаңадан қосылған жас сарбаздар сапқа тұрды. Оларды маңызды сәт — қызмет өткеретін, әскери шеберлігін шыңдайтын және қажет болған жағдайда мемлекет қауіпсіздігін қорғайтын қаруды табыстау күтіп тұрды.
Өзіне бекітілген қаруды алғандардың бірі — мерзімді әскери қызметтегі қатардағы жауынгер Зинур Ильяс болды.
«Бұл мен үшін өте толқынысты әрі есте қаларлық күн. Командалық тараптан бізге қандай сенім артылғанын түсінемін және адал қызмет етуге, қаруды ұқыпты ұстауға, әскери борышымды абыроймен атқаруға уәде беремін», — деді жас сарбаз.
Рәсімге бөлімше командирлері, бөлім офицерлері, Ұлттық ұлан командалығының өкілдері, сондай-ақ ардагерлер мен құрметті қонақтар қатысты. Көптеген сарбаз үшін тәжірибелі әскери қызметшілердің қатысуы дәстүр сабақтастығы мен әскери бауырластықтың символына айналды.
5517 әскери бөліміндегі қару табыстау рәсімі Қазақстан Ұлттық ұланының дайындық пен жауынгерлік әзірлігінің жоғары деңгейін растайтын маңызды оқиға болды. Жас сарбаздар Отан қорғаушылары болу жолында маңызды қадам жасады. Енді оларды жаңа міндеттер, сынақтар мен жауапкершілік күтіп тұр, оларды абыроймен қабылдауға дайын.
ҚР ҰҰ «Батыс» өңірлік қолбасшылығының баспасөз қызметі.
