Португалиялық атақты бапкер Жозе Моуриньо мадридтік «Реал» клубына қайта келеді. Ол екі жылдық келісімшартқа отыруға келісім берді, деп хабарлайды Zhaiyqmedia.kz ақпарат агенттігі.
Бұл туралы белгілі инсайдер Фабрицио Романо өзінің әлеуметтік желідегі парақшасында жазды. Оның айтуынша, Моуриньо «Реалдың» бас жаттықтырушысы ретінде қайта оралуға келіскен.
«Моуриньо «Реалмен» екі жылдық келісімшарт жасасуға келісті. Толық келісімге жақында қол жеткізіледі», – деп жазды Романо.
Еске салайық, Моуриньо бұған дейін 2010-2013 жылдар аралығында «Реалды» жаттықтырған. Ол кезде клубпен бірге Испания чемпионатын, Король кубогын және Испания Суперкубогын жеңіп алған. Қазір ол Римнің «Лацио» клубында жұмыс істеп жүр.
