Сурет: gorny-club.kz
Көкжайлау жерлері ұлттық парк құрамынан шығарылмайды. Бұл туралы Премьер-министрдің орынбасары – Мәдениет және ақпарат министрі Аида Балаева мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, демалыс орындарында заманауи әрі уақтылы жасалған инфрақұрылым болмаған жағдайда ғана жерлерді парктен шығару мәселесі қарастырылуы мүмкін. Қазіргі таңда мұндай қажеттілік жоқ.
«Көкжайлау – халықтың демалыс аймағы. Оны сақтап қалу – біздің міндетіміз. Жерлерді парктен шығару туралы ешқандай шешім жоқ», – деді Аида Балаева.
Бұған дейін әлеуметтік желілерде Көкжайлау аумағы ұлттық парктен алынып, құрылыс салынады деген қауесет тараған еді. Министр бұл ақпаратты жоққа шығарып, жергілікті тұрғындарды алаңдамауға шақырды.
