«Хан Ордасы» мұражай-қорығының визит-орталығына 2025 жылы 23 940 қонақ келді

Сурет: Жайық Пресс

Батыс Қазақстан облысы Бөкей ордасы ауданындағы «Хан Ордасы» мұражай-қорығының визит-орталығына 2025 жылы 23 940 адам келді. Бұл туралы мұражайдың маркетингтік технологиялар және цифрландыру бөлімінің басшысы Гүлзада Әбілхайырова мәлімдеді, деп хабарлайды Zhaiyqmedia.kz ақпарат агенттігі.

Визит-орталық 2023 жылдың қазан айында облыс әкімі Нәріман Төреғалиевтің қатысуымен ашылған. Ғимарат Хан сарайымен біртұтас сәуреттік стильде салынған, іші заманауи технологиялармен жабдықталған. Мұнда электронды ақпараттық киоск, билет және кәдесый сататын касса, ақпараттық стенд, балалар ойын бөлмесі, дәріс және презентация залы, ұлттық стильдегі фотозона бар. Дәстүрлі қазақ киіз үйінің интерьері келушілер арасында ерекше танымал.

Гүлзада Әбілхайырованың айтуынша, 2024 жылы визит-орталыққа 23 771 адам келген, ал 2025 жылы бұл көрсеткіш 23 940-қа жеткен. 2026 жылдың бірінші жартыжылдығында 10 658 келуші қабылданған. Мұражайға Қазақстанның барлық өңірінен және шетелден туристер келеді.

Визит-орталық келушілер ағынын реттеуге, білім беру қызметін атқаруға көмектеседі. Мұнда маркетингтік технологиялар және цифрландыру бөлімі жұмыс істейді, ол әлеуметтік желілердегі парақшаларды жүргізіп, фото және бейнеконтент жасайды, мұражайды цифрлық кеңістікте таныстырады.

Болашақта визит-орталық цифрлық сервистерді кеңейтуді, жаңа экскурсиялық бағыттарды әзірлеуді, тақырыптық іс-шаралар мен интерактивті бағдарламалар өткізуді жоспарлап отыр. Гүлзада Әбілхайырова мұражай ұжымының басты мақсаты – әр келушінің қайта оралғысы келетіндей жағдай жасау екенін атап өтті.