Қазақстанда ең төменгі жалақы мөлшерін 150 мың теңгеге дейін көтеру жоспарлануда. Бұл – халықтың тұрмыс деңгейін «күн көруден» «өмір сүру» стандартына көтеруге бағытталған қадам, деп хабарлайды Zhaiyqmedia.kz ақпарат агенттігі.
Үкімет бұл бастаманы еңбекті бағалау жүйесін түбегейлі өзгерту аясында қолға алып отыр. Жаңа төлем стандарты ең алдымен бюджеттік сала қызметкерлеріне әсер етеді деп күтілуде.
«Біз еңбек ақыны тек күнкөріс құралы емес, лайықты өмір сүрудің негізі ретінде қарастырамыз. 150 мың теңге – бұл бастапқы шек, алдағы уақытта оны одан әрі көбейту жоспарда бар», – деді Еңбек министрлігінің өкілі.
Мамандардың пікірінше, бұл шара жұмысшылардың әлеуметтік жағдайын жақсартып, экономикалық белсенділікті арттырады. Алайда кәсіпкерлер қосымша шығындарға байланысты алаңдаушылық білдіруде.
Жаңа жүйе 2025 жылдың басынан бастап іске қосылуы мүмкін. Нақты мерзім мен механизм әлі пысықталуда.
