Сурет: Egemen Qazaqstan
Қазақстан Ұлттық банкі 31 мамырға доллардың ресми бағамын белгіледі. Бір АҚШ доллары 485,95 теңгеге бағаланды, деп хабарлайды Zhaiyqmedia.kz ақпарат агенттігі.
Бұл – соңғы айлардағы ең жоғары көрсеткіш. Сарапшылардың айтуынша, валюта бағамының өсуіне әлемдік нарықтағы жағдай әсер етіп отыр.
«Доллардың қымбаттауы импорттық тауарлардың бағасына тікелей әсер етеді. Егер бұл үрдіс жалғаса, ішкі нарықтағы баға да өзгереді», – дейді экономист Нұрлан Сәрсенбаев.
Ұлттық банк валюта бағамын тұрақтандыру үшін қажетті шараларды қабылдап жатқанын мәлімдеді. Алайда нарықтағы құбылмалылық сақталып отыр.
