Сурет: Egemen Qazaqstan
Батыс Қазақстан облысы Тасқала аудандық полиция бөлімінің екі қызметкері – полиция майоры Абзал Үмбетқалиев пен аға сержанты Нұрғали Әдиетов қызметтік міндетін атқару кезінде жол апатынан қаза тапты, деп хабарлайды Zhaiyqmedia.kz ақпарат агенттігі.
Қазақстан Ішкі істер министрі Ержан Сәденов қаза болған полицейлердің туған-туыстары мен жақындарына көңіл айтты. Министрлік олардың отбасыларына қажетті қолдау көрсетілетінін жеткізді. Жол-көлік оқиғасы бойынша сотқа дейінгі тергеу басталды.
