Мазмұнға өту
Сурет: Жайық Пресс
Облыс әкімінің орынбасарлары тұрғындарды жеке мәселелері бойынша қабылдап, олардың өтініштерін қарады. Бұл қабылдаулар азаматтардың проблемаларын шешуге және халықпен кері байланысты қамтамасыз етуге бағытталған, деп хабарлайды Zhaiyqmedia.kz ақпарат агенттігі.
Облыс әкімі аппаратының жанындағы азаматтарды қабылдау орталығында әкім орынбасары Мирас Мүлкай тұрғындарды жеке қабылдады. Азаматтар коммуналдық желілерді жаңғырту, аула аумақтарын абаттандыру, жол салу және тұрғын үй кезегі мәселелерімен жүгінді.
Сонымен қатар, облыс әкімінің тағы бір орынбасары Тлепберген Қаюпов тұрғындарды жеке мәселелері бойынша қабылдады. Қабылдауға облыстық басқармалар мен қала әкімдігінің өкілдері қатысты. Кейбір өтініштер бойынша аудан әкімдері селекторлық режимде қосылды.
Облыс тұрғындары жұмысқа орналасу, кәсіпкерлікті және жергілікті тауар өндірушілерді қолдау, мүгедектік тағайындау, инженерлік инфрақұрылымды жақсарту, сондай-ақ әлеуметтік орталықтарды қажетті жабдықтармен қамтамасыз ету мәселелерін көтерді.
Әрбір өтініш тиісті мемлекеттік органдардың қатысуымен қаралды. Әкім орынбасарлары өтініш берушілерге қолданыстағы заңнама аясында қажетті түсініктемелер берді.
Қабылдау қорытындысы бойынша жауапты құрылымдарға көтерілген мәселелерді шешу бойынша нақты тапсырмалар берілді. Тапсырмалардың орындалуы мен азаматтардың өтініштерін одан әрі қарау бақылауға алынды.
