2-4 мамыр аралығында Қазақстанның басым бөлігінде ауа райы күрт өзгереді. Синоптиктер найзағай ойнап, жаңбыр жауатынын, кей жерлерде тіпті үсік болуы мүмкін екенін ескертеді, деп хабарлайды Zhaiyqmedia.kz ақпарат агенттігі.
Елдің солтүстігінде түнде ауа температурасы 0-5 градусқа дейін төмендейді. Ал оңтүстік өңірлерде күндіз 20-25 градус жылы болады, бірақ найзағай мен қатты жел соғады.
«Алдағы екі күнде ауа райы тұрақсыз. Кей жерлерде бұршақ жауып, жел күшейеді. Жүргізушілер мен шаруалар сақ болуы керек», — дейді Қазгидромет мамандары.
Батыс Қазақстан облысында да жаңбыр күтіледі. Оралда 2 мамырда күндіз 10-15 градус жылы, түнде 3-8 градус. 3-4 мамырда жауын-шашын азаяды, бірақ жел күшейеді.
