Мазмұнға өту
Сурет: Egemen Qazaqstan
Ауыл шаруашылығы министрлігінің аумақтық инспекциясының мемлекеттік фитосанитариялық инспекторлары бақылау жүргізу барысында заң бұзушылықты анықтады, деп хабарлайды Zhaiyqmedia.kz ақпарат агенттігі.
Тексеру кезінде сәндік өсімдіктердің Ресей Федерациясынан экспорттаушы елдің өсімдіктер карантині және оларды қорғау жөніндегі ұлттық ұйымы беруге тиіс міндетті фитосанитариялық сертификатсыз әкелінгені анықталды. Осы дерек бойынша заңды тұлғаға қатысты өсімдіктер карантині саласындағы заңнаманы бұзғаны үшін әкімшілік іс қозғалды.
Фитосанитариялық қауіпсіздік талаптарына сәйкес жүк иесіне анықталған заң бұзушылықтарды жою туралы нұсқама берілді. Өз кезегінде өнім иесі ұсталған өнімді өртеу арқылы жою туралы шешім қабылдады.
Комитет Қазақстан аумағына карантинге жатқызылған өнімді тек экспорттаушы ел берген фитосанитариялық сертификаты болған жағдайда ғана әкелуге рұқсат етілетінін еске салады. Бұл талаптарды сақтау ауыл шаруашылығына және қоршаған ортаға зиян келтіруі мүмкін қауіпті карантиндік объектілердің ел аумағына енуі мен таралуына жол бермеуге бағытталған.
