Сурет: Egemen Qazaqstan
Астана қаласында кәмелетке толмаған қыздарды жезөкшелікке тартып, притон ұйымдастырған топ ұсталды, деп хабарлайды Zhaiyqmedia.kz ақпарат агенттігі.
Қалалық прокуратураның мәліметінше, қылмыстық топ 15 адамнан тұрған. Оны 2023–2025 жылдары екі апалы-сіңлілі жұбайларымен бірге құрған. Олар тұрғын үй кешендерінде әйелдер мен қыздарға арналған притондар жасаған. Уақыт өте топ құрамы кеңейіп, күзетшілер, қонақ үй әкімшілері және әлеуметтік желілер мен мессенджерлерде жезөкшелерді жарнамалайтын «SMM мамандары» қосылған.
Топ мүшелері түнгі клубтарда қыздарды іздеп, оларға жақсы табыс, тұрғын үй және қауіпсіздік уәде еткен. Клиенттер мас болған кезде жезөкшелерді ұрып-соғып, бопсалаған, ал кейбіреулерін жалдамалы пәтерлерде заңсыз ұстаған.
«Енді міне, топтың құрамында болған барлық 15 адам ұсталды. Қазір топтың белсенділері қамалса, басқалары үй қамақта отыр», деп хабарлады Астана қаласының прокуратурасы.
Қылмыстық іс сотқа жолданды. Айыпталушыларға түпкілікті құқықтық баға сот отырысында беріледі.
Жақында Алматы облысында сот 17 адамға үкім шығарды. Олар ұйымдасқан қылмыстық топ құрамында 800-ден астам автокөлікті заңсыз тіркегені үшін сотталған.
