Сурет: Egemen Qazaqstan
Астана әуежайының халықаралық рейстерді қабылдау аймағындағы ақпараттық киоскте туристерге арналған көлік карталары сатыла бастады, деп хабарлайды Zhaiyqmedia.kz ақпарат агенттігі.
Бұл карталарды пайдалану үшін тіркелу немесе мобильді қосымшаны жүктеу қажет емес. Олар қоғамдық автобустардағы Avtobys валидаторлары арқылы жұмыс істейді.
Туристер үшін үш тариф қарастырылған: қызғылт сары карта (5 жол жүру, 1 550 теңге), көгілдір карта (10 жол жүру, 2 110 теңге) және көк карта (15 жол жүру, 2 650 теңге).
Жолаушылар сапар бағытын Avtobys мобильді қосымшасы арқылы алдын ала жоспарлай алады. Жобаны Visit Astana, City Transportation Systems және Innoforce компаниялары бірлесіп жүзеге асырды.
