Мазмұнға өту
АҚШ, Ұлыбритания және Шенген елдеріне виза алып беруге уәде етіп, қазақстандықтарды 900 миллион теңгеге алдаған турфирма басшысына үкім шығарылды, деп хабарлайды Zhaiyqmedia.kz ақпарат агенттігі.
Сотталушы өз клиенттеріне ұзақ мерзімді визалар ресімдеп, тіпті тұрғын үй мен азаматтық алуға көмектесетінін айтқан. Алайда уәдесінде тұрмай, ақшаны иемденіп кеткен.
«Ол адамдардың сенімін пайдаланып, үлкен сомадағы қаражатты жымқырған. Қазіргі таңда оған қатысты сот үкімі шықты», — делінген ресми хабарламада.
Құқық қорғау органдары алаяқтықтың құрбаны болмау үшін визалық қызметтерді тек сенімді агенттіктерден алуға кеңес береді.
