Алматыда қарт әйелді аяусыз соққыға жыққан ер адамның бұрын да ауыр қылмыстар үшін сотталғаны белгілі болды, деп хабарлайды Zhaiyqmedia.kz ақпарат агенттігі.
Күдікті 44 жастағы ер адам бұрын адам өлтіргені үшін 11 жыл бас бостандығынан айырылған. Ол түрмеден босаған соң қайтадан қылмыс жасаған.
Оқиға 5 наурыз күні Алматыдағы аялдамада болған. Ер адам 70 жастағы әйелді бірнеше рет ұрып, ауыр жарақат салған.
«Күдікті қазір уақытша ұстау изоляторына қамалды. Оған қатысты қылмыстық іс қозғалды», – деді Алматы полиция департаментінің өкілі.
Қарт әйел ауруханада жатыр, дәрігерлер оның жағдайын тұрақты деп бағалап отыр.
