Өзбекстан Қорғаныс министрлігі ұйымдастырған жас патриоттар жарысында «Абай қырандары» командасы екінші орынды жеңіп алды. Бұл жарыс аты аңызға айналған қолбасшы Әмір Темірдің 690 жылдығына арналды, деп хабарлайды Zhaiyqmedia.kz ақпарат агенттігі.
Қазақстандық жас патриоттар шетелдік алаңда өз шеберліктерін көрсетіп, жоғары нәтижеге қол жеткізді. Команда құрамындағы жас өрендердің дайындығы мен рухы жоғары бағаланды.
«Біздің жігіттер өте мықты дайындықпен келді. Әрбір кезеңде өздерінің мықтылығын дәлелдеді», — деді команда жетекшісі.
Жарыс барысында қатысушылар әскери-спорттық сайыстарда бақ сынасып, жеңімпаздар арнайы дипломдармен марапатталды. Айта кетейік, бұл жарыс Әмір Темірдің есімін мәңгілікке қалдыру мақсатында өткізілген іс-шаралардың бірі болды.
