Сурет: Pexels
«Қазгидромет» болжамы бойынша, 6 шілдеде Қазақстан аумағында ауа райы тұрақсыз болады, деп хабарлайды Zhaiyqmedia.kz ақпарат агенттігі.
Атмосфералық фронттардың өтуіне байланысты найзағай ойнап, жаңбыр, кей жерлерде бұршақ жаууы мүмкін. Солтүстік пен шығыста қатты жел соғады, солтүстік, шығыс және орталық аймақтарда жаңбыр күтіледі.
Оңтүстік-батыс пен солтүстік-батыста жауын-шашынсыз ауа райы сақталады. Ел бойынша жел күшейіп, солтүстік, шығыс, оңтүстік-батыста түнде және таңертең тұман түседі.
Маңғыстау, Атырау, Ақтөбе, Батыс Қазақстан және Ұлытау облыстарында күндіз 35-40 градус ыстық болады.
