Австралиялық 23 жастағы жігіт 60 жыл бойы ғалымдардың мазасын алып келген күрделі есепті ChatGPT арқылы шешіп тастады, деп хабарлайды Zhaiyqmedia.kz ақпарат агенттігі.
Лиам Прайс есімді жас зерттеуші GPT-5.4 Pro нұсқасын қолданып, бұрын ешкімнің қолы жетпеген математикалық есептің жауабын тапты. Бұл есеп ғылым әлемінде ондаған жылдар бойы шешілмей келген болатын.
«Мен бірнеше сағат бойы ChatGPT-мен диалог жүргізіп, алгоритмді дұрыс бағытта құрдым. Нәтижесінде нейрожелі мені күтпеген шешімге әкелді», – дейді Лиам Прайс.
Ғалымдар бұл жаңалықты жасанды интеллекттің ғылыми зерттеулердегі рөлінің арта түскенінің айғағы деп бағалап отыр. Енді бұл әдіс басқа да күрделі есептерді шешуге жол ашады.
