Қазақстандықтар енді статистикалық ақпаратты жасанды интеллект көмегімен ала алады. Ұлттық статистика бюросы «AI Stat» виртуалды көмекшісін іске қосты, деп хабарлайды Zhaiyqmedia.kz ақпарат агенттігі.
Бұл сервис пайдаланушыларға сандық деректерді жылдам әрі ыңғайлы алуға мүмкіндік береді. «AI Stat» жасанды интеллект негізінде жұмыс істейді және сұрақтарға нақты жауап береді.
«Жаңа сервис статистикалық ақпаратты іздеу уақытын қысқартып, деректердің қолжетімділігін арттырады», — деді Ұлттық статистика бюросының өкілі.
Виртуалды көмекшінің көмегімен экономикалық көрсеткіштер, халық саны, инфляция деңгейі және басқа да маңызды деректерді бірден алуға болады. Бұл бастама цифрлық трансформация аясында жүзеге асырылды.
