Мазмұнға өту
Сурет: Анадолы
2026 жылғы 11 шілдеде Венесуэлада болған екі жер сілкінісінен қаза тапқандар саны 4 333 адамға жетті. Тағы 16 740 адам жарақат алып, мыңдаған тұрғын баспанасыз қалды, деп хабарлайды Zhaiyqmedia.kz ақпарат агенттігі.
Бұл туралы Ұлттық ассамблея төрағасы Хорхе Родригес мәлімдеді. Оның айтуынша, үкіметтің соңғы есебіне сәйкес, апаттан кейін 86 794 отбасы көмек алған.
Родригес 6 462 адамның құтқарылғанын, 856 ғимараттың зақымданып, 190-ының толық қирағанын айтты. Билік 94 уақытша лагерь ұйымдастырып, онда 18 437 адам орналастырылған. Сонымен қатар, 17 907 адам әлі тұрақты баспанамен қамтамасыз етілмеген.
Родригес билік тарапынан 9 766 тонна азық-түлік пен 16,6 миллион литрден астам ауыз су таратылғанын, 31 193 науқасқа медициналық көмек көрсетілгенін қосты. Зардап шеккендерге көмекке 31 837 қызметкер мен 30 197 ерікті жұмылдырылып, оларға 2 422 халықаралық құтқарушы қолдау көрсеткен.
24 маусымда Венесуэлада магнитудасы 7,2 және 7,5 болатын екі жер сілкінісі болған, арасы небәрі 39 секунд. Бұл ауқымды қирауға әкеліп, ел ішінде және халықаралық деңгейде гуманитарлық көмек шаралары басталды.
