АҚШ президенті Дональд Трамптың Германиядан америкалық әскерді шығару туралы мәлімдемесі Еуропада алаңдаушылық тудырды. Бұл шешім НАТО-ның болашағына күмән келтіруі мүмкін, деп хабарлайды Zhaiyqmedia.kz ақпарат агенттігі.
Трамп бұған дейін де Германияның қорғаныс шығындарын жеткіліксіз деп сынға алған еді. Оның айтуынша, Берлин НАТО бюджетіне тиісті үлесін төлемей отыр.
«Германия өз қорғанысына жеткілікті қаржы бөлмейді. Сондықтан біз әскерімізді қайтарып аламыз», — деді Трамп.
Еуропалық сарапшылар бұл қадам НАТО-ның бірлігіне нұқсан келтіруі мүмкін деп ескертеді. Әсіресе, Ресеймен шектесетін Шығыс Еуропа елдері америкалық әскердің кетуіне алаңдап отыр.
Қазіргі уақытта АҚШ-тың Германияда 35 мыңға жуық әскері орналасқан. Олардың бір бөлігін Польша мен басқа да одақтас елдерге ауыстыру жоспарлануда.
