Мазмұнға өту
Сурет: GROK
АҚШ президенті Дональд Трамп халыққа арнаған 25 минуттық үндеуінде елдің сайлау жүйесінде елеулі осал тұстар бар екенін айтты. Ол құпиясыздандырылған барлау материалдары Қытайдың 2020 жылғы президенттік сайлауға араласқаны туралы мәліметтерді қамтитынын айтты, деп хабарлайды Zhaiyqmedia.kz ақпарат агенттігі.
Deutsche Welle басылымынан мәлім болғандай, Трамптың айтуынша, Қытай құрылымдары шамамен 220 миллион америкалық сайлаушының деректеріне қол жеткізген. Мәліметтердің бір бөлігі сатып алынған, ұрланған немесе кибершабуыл арқылы алынған болуы мүмкін. Бұл деректер 2020 жылғы сайлаудың нәтижесіне ықпал ету үшін пайдаланылған болуы ықтимал.
2020 жылғы сайлауда демократ Джо Байден жеңіске жеткен болатын. Президенттің сөзінше, Қытайдың дауыстарды өзгертуге қатысы болуы мүмкін.
Трамптың пікірінше, Қытай оның жеңілуіне мүдделі болған. Себебі оның әкімшілігі Қытайға экономикалық қысымды күшейтіп, миллиардтаған долларлық кедендік баж салығын енгізуді, сондай-ақ АҚШ-тың әскери қуатын арттыруды жоспарлаған.
Трамп тергеу жүргізуге – Ұлттық барлау директорының басқармасын, АҚШ Әділет министрлігін, Федералдық тергеу бюросын (ФБР), Орталық барлау басқармасын (ЦРУ) шақырды.
Үндеуінің соңында Трамп Қытайдың ықтимал араласуы туралы ақпараттың неге бұған дейін жария етілмегенін анықтауды талап етті. Сондай-ақ ол кінәлілерді жауапкершілікке тартуға және жеткілікті негіз болған жағдайда қылмыстық іс қозғауға шақырды.
