Мазмұнға өту
Сурет: Aikyn.kz
Мемлекет басшысы Қасым-Жомарт Тоқаев Куба Республикасының Вице-президенті Сальвадор Вальдес Месамен кездесу өткізді, деп хабарлайды Zhaiyqmedia.kz ақпарат агенттігі.
Кездесу барысында екі ел арасындағы сауда-экономикалық ынтымақтастықты арттыру мәселелері талқыланды. Президент Тоқаев Куба вице-президентінің бүгінгі жиынға қатысқанына ризашылығын білдіріп, екіжақты қарым-қатынастың одан әрі дамуына сенім білдірді.
«Біздің ынтымақтастығымыздың жаңа деңгейге көтерілетініне сенімдімін. Әсіресе сауда-экономикалық салада бірлескен жобаларды іске асыру маңызды», — деді Қасым-Жомарт Тоқаев.
Сальвадор Вальдес Меса өз кезегінде Қазақстанның аймақтағы рөлін жоғары бағалап, Кубаның инвестициялық жобаларға қатысуға дайын екенін жеткізді. Тараптар алдағы уақытта экономикалық форумдар мен іскерлік миссияларды ұйымдастыруға келісті.
