Мазмұнға өту
Сурет: Ақорда
Мемлекет басшысы Қасым-Жомарт Тоқаев Халықаралық балаларды қорғау күніне орай құттықтау жолдады, деп хабарлайды Zhaiyqmedia.kz ақпарат агенттігі.
Президент бұл күннің маңызын атап өтіп, әр баланың бақытты әрі қауіпсіз өмір сүруі – мемлекеттің басты міндеті екенін жеткізді.
«Балалар – біздің болашағымыз. Олардың денсаулығы мен біліміне ерекше көңіл бөлуіміз керек», – деді Президент.
Құттықтауда бала құқығын қорғау, сапалы білім мен медициналық көмек көрсету мәселелеріне тоқталған. Мемлекет басшысы ата-аналар мен ұстаздардың еңбегін жоғары бағалап, баршаға бақыт пен табыс тіледі.
