Қазақстандықтар үшін доллар қайта қымбаттады. 3 мамырда еліміздің ірі қалаларындағы ақша айырбастау орындарында АҚШ валютасының бағамы өсті, деп хабарлайды Zhaiyqmedia.kz ақпарат агенттігі.
Алматыда долларды орта есеппен 455 теңгеден сатып алып, 459 теңгеден сатады. Астанада бағам шамамен бірдей: сатып алу – 456 теңге, сату – 459 теңге. Оралда доллар 457-460 теңге аралығында саудаланып жатыр.
Еуро да қымбаттады. Оны Алматыда 495-499 теңгеден, Астанада 496-500 теңгеден, ал Оралда 497-501 теңгеден айырбастауға болады. Ресей рублі тұрақты: сатып алу – 5,0 теңге, сату – 5,1 теңге.
Сарапшылардың пікірінше, теңгенің әлсіреуі әлемдік нарықтағы мұнай бағасының төмендеуімен және АҚШ долларының нығаюымен байланысты. Алдағы күндері валюта бағамының одан әрі өзгеруі мүмкін.
