Қазақстан мен Ресей бірлесіп алты мектеп салуды жоспарлап отыр. Бұл туралы Ресей Сыртқы істер министрі Сергей Лавров мәлімдеді, деп хабарлайды Zhaiyqmedia.kz ақпарат агенттігі.
Лавровтың айтуынша, үш мектеп Ресейдің өзінде, ал қалған үшеуі Қазақстанда ашылады. Бұл жоба екі ел арасындағы білім саласындағы ынтымақтастықты нығайтуға бағытталған.
«Біз білім берудегі жаңа стандарттар мен технологияларды енгіземіз. Бұл мектептерде қазақ және орыс тілдерінде оқыту жүргізіледі», – деді Лавров.
Қазақстандық тарап бұл бастаманы қолдап, жобаны жүзеге асыру үшін тиісті құжаттарды дайындап жатыр. Мектептердің қай аймақтарда салынатыны әзірге белгісіз.
