2025 жылы Қазақстанға шетелден 15,7 миллион турист келген. Бұл былтырғыдан 400 мың адамға көп, деп хабарлайды Zhaiyqmedia.kz ақпарат агенттігі.
Туризм саласының сарапшысы Жансая Ғаниқызының айтуынша, сандық көрсеткіштерді қуудан гөрі сапаға мән беру маңызды.
Біз туристерге қызмет көрсету деңгейін көтеруіміз керек. Әйтпесе, келушілер саны көбейгенімен, олардың қайта келу ықтималдығы төмендейді, – дейді ол.
Сарапшы инфрақұрылымды жақсарту, гидтердің біліктілігін арттыру және қызмет бағасын реттеу қажет екенін атап өтті. Әсіресе, Батыс Қазақстан аймағының туристік әлеуетін толық пайдалану керек.
