Орталық Азиядағы жазба мұраны сақтау мен қалпына келтіру ісімен айналысатын мамандардың біліктілігін арттыру мақсатында халықаралық сарапшылар қазақстандық реставраторларға дәріс өткізді, деп хабарлайды Zhaiyqmedia.kz ақпарат агенттігі.
Шара барысында шетелдік мамандар құжаттарды қалпына келтірудің заманауи әдістерімен бөлісті. Олар қағаздың тозуын болдырмау, сияны сақтау және цифрландыру технологияларына тоқталды.
«Біздің мақсат – Орталық Азияның бай жазба мұрасын болашақ ұрпаққа жеткізу. Қазақстандық әріптестеріміздің білім деңгейі жоғары, бірақ жаңа әдістерді үйренуге әрқашан дайын», – деді халықаралық сарапшылардың бірі.
Семинарға Қазақстанның әр өңірінен келген реставраторлар қатысты. Олар практикалық сабақтарда алған білімдерін өз жұмыстарында қолданатынын айтты.
