Қазақстанда соңғы үш жылда интернет жылдамдығы 75 пайызға артты. Бұл – телекоммуникация саласына салынған 1 триллион теңгеден астам инвестицияның нәтижесі, деп хабарлайды Zhaiyqmedia.kz ақпарат агенттігі.
Цифрлық даму министрі Жаслан Мәдиевтің айтуынша, бұл қаржы жаңа байланыс желілерін тартуға және ескірген жабдықтарды жаңартуға жұмсалған. Нәтижесінде еліміздің интернет инфрақұрылымы айтарлықтай жақсарған.
«Біз интернеттің қолжетімділігі мен сапасын арттыруға басымдық беріп келеміз. Инвестицияның арқасында қалалар ғана емес, ауылдық жерлер де жылдам интернетке қосыла бастады», – деді министр.
Айта кетейік, бұл көрсеткіш Қазақстанның цифрлық даму индекстегі орнын жақсартуға септігін тигізбек. Алдағы уақытта 5G желісін енгізу жоспарлануда.
