Сурет: Egemen Qazaqstan
Энергетика министрлігі бензин, дизель отыны және бірқатар мұнай өнімдерін елден шығаруға қойылған тыйымды тағы алты айға ұзартуды ұсынды, деп хабарлайды Zhaiyqmedia.kz ақпарат агенттігі.
Ұсынысқа сәйкес, Еуразиялық экономикалық одақ елдеріне экспортқа шектеу 2026 жылғы 22 қарашадан 2027 жылғы 22 мамырға дейін, ал одақтан тыс мемлекеттерге тыйым 2027 жылғы 1 қаңтардан 30 маусымға дейін қолданылады. Гуманитарлық көмек және Үкімет шешімімен жүзеге асырылатын жеткізілімдер бұл шектеуге кірмейді.
Тыйым салынатын өнімдер тізіміне бензин мен дизельден бөлек, жеңіл дистилляттар, авиациялық керосин, газойльдер, толуол, ксилол және битум да енгізілген. Құжат қазіргі уақытта қоғамдық талқылауға шығарылды.
