Сурет: Egemen Qazaqstan
2025 жылдың қорытындысы бойынша Қазақстанда 4 894 ауыл шаруашылығы кооперативі жұмыс істеді. Бұл 2024 жылмен салыстырғанда 429 кооперативке немесе 9,6%-ға көп, деп хабарлайды Zhaiyqmedia.kz ақпарат агенттігі.
Жұмыс істеп тұрған кооперативтер санының өсуі бірнеше өңірде байқалды. Ең жоғары өсім Ұлытау, Павлодар, Атырау және Маңғыстау облыстарында тіркелді. Кооперативтердің ең көп саны Түркістан облысында – 994 кооператив, бұл республикадағы жалпы санының 20%-дан астамын құрайды. Негізгі қызмет түрлері бойынша мал шаруашылығы саласында 1 882 кооператив жұмыс істейді, ал аралас ауыл шаруашылығы саласында 1 554 кооператив маманданған.
2025 жылы кооперативтер өндірген өнім көлемі 117,6 млрд теңгені құрады, бұл 2024 жылмен салыстырғанда 40,2%-ға артық. Өткізілген өнімнің жиынтық көлемі 22,2%-ға өсті. Сондай-ақ кооперативтердің жекелеген ауыл шаруашылығы техникасымен қамтамасыз етілу деңгейі де артты: тракторлар саны 24,9%-ға, соқалар саны 11,1%-ға көбейді.
