Мазмұнға өту
Сурет: ranking.kz
2023 жылғы көрсеткіштерге негізделген 2025 жылғы баяндама деректері бойынша Қазақстан 193 ел мен аумақ арасында 60-шы орында тұр. Қазақстанда адамның даму индексі (HDI) 0,837-ні құрады, бұл адам дамуының өте жоғары деңгейіне сәйкес келеді, деп хабарлайды Zhaiyqmedia.kz ақпарат агенттігі.
ТМД мен Орталық Азия елдері арасында бұл ең үздік нәтиже. Қазақстанда күтілетін білім алу ұзақтығы 14 жылды, ал білім алудың орташа ұзақтығы 12,5 жылды құрады. Қазақстанның білім беру саласы түрлі әлемдік рейтингтерде мықты позицияларды көрсетіп келеді. Мысалы, жақында шыққан QS Best Student Cities 2027 деректеріне сай Алматы мен Астана өз позицияларын жақсартып, рейтингте тиісінше 78-ші орынды (+13) және 119-орынды (+8) иеленді. Бұл Қазақстанның студенттік қалалардың тартымдылығы бойынша Орталық Азиядағы көшбасшылығын дәлелдеді. Негізгі артықшылықтар ретінде мықты университеттер мен жоғары білімнің қолжетімділігі атап өтілді.
Еліміздегі адам дамуының деңгейі бойынша сараптамалық сандар мен кестелер ranking.kz порталында жарияланған.
