Қазақстанда қаңғыбас иттердің шабуылынан балалар мен ересектер жиі зардап шегіп жүр. Президент бұл мәселеге қатысты пікір білдіріп, қорғансыз жануарларды жәбірлеуге жол бермеу керектігін айтты, деп хабарлайды Zhaiyqmedia.kz ақпарат агенттігі.
Мемлекет басшысы қаңғыбас иттердің санын реттеу және халықтың қауіпсіздігін қамтамасыз ету үшін нақты шаралар қажет екенін атап өтті. Ол жануарларды азаптау фактілеріне де бей-жай қарамау керектігін ескертті.
Президенттің айтуынша, бұл мәселе тек заңнамалық деңгейде ғана емес, қоғамның адамгершілік ұстанымдарымен де тығыз байланысты. Ол қаңғыбас иттерге қатысты қатыгездік әрекеттердің алдын алу үшін жауапты органдарға тапсырма берді.
