Сурет: kremlin.ru
Ресей президенті Владимир Путиннің АҚШ президентінің арнайы өкілдері Стив Уиткофф пен Джаред Кушнермен кездесуі 3 сағат 10 минутқа созылды. Бұл туралы РФ президентінің көмекшісі Юрий Ушаков мәлімдеді, деп хабарлайды Zhaiyqmedia.kz ақпарат агенттігі.
Путин Киевтің өз болмысын жасыруды тоқтату қажеттігін айтып, Украинада нацистердің сүйегін қайта жерлеу әрекеттеріне назар аударды. АҚШ өкілдері бұл ақпаратты назарға алған.
Америкалық арнайы өкілдер келіссөзге тыңғылықты дайындалып, жағдайды реттеу жөніндегі жан-жақты ұсыныстарын ортаға салған. Ресей тарапы Украинадағы жағдайға қатысты нақты әрі толық бағасын беріп, ресейлік армияның майдандағы жетістіктерін атап өткен.
Кездесуде тек Украина мәселесі ғана емес, ықтимал ірі бірлескен жобалар да талқыланған. Уиткофф пен Кушнер Путиннің ұстанымын Киевке жеткізуге уәде берген.
