Сурет: ашық дереккөз
Тонау үшін қылмыстық жауапкершілік қарастырылған. Сотталған адам басқа біреумен бірге жәбірленушіні ұрып-соғып, әйелдің сөмкесінен 753 мың теңге ұрлаған, деп хабарлайды Zhaiyqmedia.kz ақпарат агенттігі.
Бұған дейін сот оған бас бостандығын шектеу жазасын берген. Алайда сотталған адам жазаны өтеп бітпей, қайтадан қылмыс жасаған.
Кассациялық сот Бас прокуратураның наразылығы бойынша істі қайта қарады. Нәтижесінде жаза өзгертіліп, бас бостандығын шектеу жазасының орнына бас бостандығынан айыру жазасы тағайындалды.
Бұл жағдай жаңа қылмыс жасау неғұрлым қатаң жазаға әкеп соғуы мүмкін екенін көрсетеді. Прокуратура сот актілерінің заңдылығын қамтамасыз ету және кінәлі адамдардың заңға сәйкес жауаптылыққа тартылуы үшін шаралар қабылдайды.
