Сурет: Egemen Qazaqstan
Мұнай бағасы қайта өсе бастады. Бұған Ормұз бұғазындағы кеме қатынасына төнген жаңа қауіптер себеп болды, деп хабарлайды Zhaiyqmedia.kz ақпарат агенттігі.
Бұқаралық ақпарат құралдарының мәліметінше, бұғаз маңында екі кеме шабуылға ұшыраған. Алдын ала болжам бойынша, соққылар Иран тарапынан жасалған болуы мүмкін. Бұл оқиға әлемдегі мұнай тасымалының негізгі бағыттарының бірінің қауіпсіздігіне алаңдаушылық тудырды.
Осы жағдайға байланысты Brent маркалы мұнайдың бағасы барреліне шамамен 73 долларға дейін көтерілді. Ал америкалық WTI маркалы мұнайдың құны 69,5 долларға жетті.
Сарапшылардың пікірінше, мұнай бағасының одан әрі өсуіне әлемдік нарықтағы ұсыныстың артуы кедергі келтіруі мүмкін. Маусым айында Біріккен Араб Әмірліктері мұнай өндіру көлемін рекордтық деңгейге дейін ұлғайтты. Сондай-ақ ОПЕК+ елдері тамыз айынан бастап мұнай өндірісін арттыруға келіскен.
