Оралдың жас робототехниктері Түркияда өткен Fibonacci Eurasia Robot Olympiad халықаралық жарысында жүлделі орындарға ие болды. Байқауға 11 елден 629 команда қатысып, бақ сынасты, деп хабарлайды Zhaiyqmedia.kz ақпарат агенттігі.
Жарыс Анталья қаласында ұйымдастырылды. Орал қаласындағы №41 IT-мектеп-лицейінің оқушылары мен жаттықтырушылары осы шараға белсенді қатысып, бірнеше номинация бойынша жеңіске жетті.
«Біздің команда роботтарды бағдарламалау және құрастыру саласында жоғары деңгей көрсетті. Бұл – үлкен жетістік», – деді жетекші ұстаз.
Олимпиадада оралдық оқушылар алтын және күміс медальдарды иеленді. Қазіргі таңда жеңімпаздарды марапаттау рәсімі өтіп, оларға арнайы дипломдар мен сыйлықтар табысталды.
