Сурет: Жайық Пресс
Орал қаласында кәсіпкерлер үшін салық мөлшерлемесін төмендету мүмкіндігі талқыланды, деп хабарлайды Zhaiyqmedia.kz ақпарат агенттігі.
Жеңілдетілген декларацияға негізделген арнайы салық режимі бойынша мөлшерлемені 2027 жылға 4 пайыздан 2 пайызға төмендету мәселесі қалалық мәслихаттың тұрақты комиссиясының отырысында қаралды.
Талқылауға Өңірлік кәсіпкерлер палатасының директоры мен бейінді бөлімнің басшысы қатысты.
Соңғы уақытта Кәсіпкерлер палатасына бизнес өкілдерінен, оның ішінде шағын дүкендердің иелерінен өтініштер көбейіп келеді.
Кәсіпкерлер салық жүктемесін азайту бүгінде шағын бизнес үшін ерекше маңызды деп санайды. Олар негізгі себептер ретінде коммуналдық шығындар мен энергия тасымалдаушылар құнының айтарлықтай өсуін, сондай-ақ автоматтандыруды, цифрлық есеп жүйелерін және басқа да заманауи технологияларды енгізуге байланысты шығындардың ұлғаюын атайды.
Бизнес өкілдерінің айтуынша, мұндай шығындардың өсуі әсіресе бөлшек сауда кәсіпорындарына айтарлықтай әсер етеді, өйткені қосымша шығындар олардың қаржылық тұрақтылығына тікелей ықпал етеді.
Белгіленген талаптарға сәйкес, салық мөлшерлемесін төмендету туралы шешімдер аудандық және Орал қалалық өкілді органдарымен ағымдағы жылдың 1 желтоқсанына дейін қабылдануы тиіс.
Кәсіпкерлер палатасы бұл мәселе бойынша жұмысты және жергілікті атқарушы органдармен және бизнес-қоғамдастықпен одан әрі диалогты жалғастыруды жоспарлап отыр.
Кәсіпкерлер үшін салық жүктемесін азайту шағын бизнесті қолдау және шығындардың өсуі жағдайында оның тұрақтылығын сақтау құралдарының бірі ретінде қарастырылады.
