Жайық news

Оралда 24 оқушы «Жас бүркіт» клубына қабылданды

Сурет: Жайық Пресс

Орал қаласындағы №7 мектеп-гимназиясының жетінші сынып оқушылары Ұлттық ұланның «Жас бүркіт» әскери-патриоттық клубына қосылды, деп хабарлайды Zhaiyqmedia.kz ақпарат агенттігі.

Іс-шара барысында Ұлттық ұланның 5517 әскери бөлімі мен оқу орны жастарды әскери-патриоттық тәрбиелеуге және оқушыларды Отанға қызмет ету дәстүрлерімен таныстыруға бағытталған ынтымақтастық туралы меморандумға қол қойды.

Клуб қатарына қосылған оқушылар салтанатты түрде өз елінің лайықты азаматы болуға, оның тарихы мен дәстүрлерін құрметтеуге, тәртіптілік, жауапкершілік және Отанға қызмет етуге дайындық танытуға ант берді.

Іс-шараның маңызды бөлігі Ұлттық ұлан Бас қолбасшысының кеңесшісі майор Алибек Абдилов өткізген «Ерлік сабағы» болды.

Ол балаларға ерлігі, батылдығы мен бей-жай қарамауы арқасында қайғылы жағдайлардың алдын алып, қиын сәттерде адамдарға көмекке келген Ұлттық ұлан әскери қызметшілері туралы әңгімеледі.

Нақты жасалған істер туралы әңгімелер оқушыларға ерлік ұғымына жаңаша көзқараспен қарауға және өзгелерге көмекке келуге дайын адам қандай қасиеттерге ие болуы керектігі туралы ойлануға мүмкіндік берді.

Сабақ соңында оқушылар бірлесіп «Жас бүркіт» клубының нағыз мүшесінің бейнесін жасап, оның басты қасиеттерін атады: батылдық, адалдық, тәртіптілік, өзара көмек және жауапкершілік.

Мәдени бағдарламаны 5517 әскери бөлімі оркестрінің өнер көрсетуі жалғастырды. Музыкалық нөмірлер салтанатты рәсімді айшықтай түсті.

Ұлттық ұлан «Батыс» өңірлік қолбасшылығының баспасөз қызметі.

Көп оқылғандар